|
Sumtsan buga dam mat sai,
Doi a tsawra ai Nja Hkawn e,
Nang hpe sha Doi a myitkraw kata,
Marit Shingran mu ai le Doi a Nja.
Ngai hkrai sumru, myiprwi pru;
Moi an hkrum ai ten ladu hkrum tim,
Nang bai n wa, gananag ta...!
Yupmang Shingran hta pi sa chyai rit le Tsaw Nja.
Moi an rau run rai hkawm let,
Tsaw ai lam ni tsun jahta,
Shaning ladaw ni lai raitim,
Nang hpe myit dum ai, marit dik sai.
An a sakse tai ngwipyaw mangai du shagu,
Moi nang hte rau hkawm chyai ai ten ni dum wa...
An a prat bai paw galai ten hta
Rau run nga lu hkra
Doi tut kyu hpyi nga na.
Na a Matu Lahkawng ngu na
Mahkawn.
Ahkawn, Nang Ala hpaji chye hkra nga shatsam ai ga,
Daini Ala bai dum shai wa;
Salum, sin sinpai gahpra,
Ahkawn tsun ai ga ni hpe myit dum shagu,
Rau run pyaw chyai ten ni alai jasu;
Tsawmhtap salum kata,
Ladaw shagu Ahkawn hpe sha;
Ahkawn a pyawla ai N-gup aga a majaw,
Daini Ala salum gapaw;
Sailen nten hta shagawp,
Tsawmhtap salum mung na a majaw grawp;
Na a shangwang kaw na,
Daini Ala lawt pru hkra shakut hkawmsa raitim,
Prat myiprwi e dim.
Oh! Ahkawn ra sharawng ai,
Mungkan hpaji dai;
Daini Ala lu sai....le.
Daini Ahkawn hpe tam n mu,
Ten shagu Ahkawn hpe chyu;
Ahkawn..Bai wa rit...bai wa rit.. ngu myitkraw kata ngai jahtau,
Matsan jahkrai salum ngai bau;
Goi...shingra tara gammaka,
Tsaw nga ninglen an hkabra;
Rau run lu na gammaka,
Mungdan Magam a majaw sha.
|
