|
|
|
Home Shanglawt Hpung Rawt Malan Nhtoi Yinam Ta Htet Dat ai Apan Ga Sadi 5 Hpyenla Wunpawng Sahyi Articles |
|||
|
|
|||
| SHAGAWNG BUM A YINAM TA |
|
||
|
Marit Seng Ja Pan
Runhkrat mat
sai,
Ginhtawng Hpunlap ni a malai, Dai tsitlali Yinam hpunlap ni bai galai; Grup-yin shara shagu mada dat, Chyang, Mang samwi ni hkrawn gagat; Mamban ni Hkamayi krin magap, Lamai hpundu mung shihkrai hkrap; Myihprap gachyit gala, Mu nsen mung ngoi gara; Nnanggau gase, Hpunlaw hpunlap she gale; Nchyang, Nhkawt, Nhpung, Hpundawhka she lwi tung, Uhkai hkannu ni grau gashung; Kanu a singkaw npu e shanhte gyem hpum, I shinggyimmasha ni mung Wandap e lum, Lup-ep ntsa na Hkainu she htum; Hkashi, hkawam ni mung pawt, Hpun kaba du shanhte ahtu gawt; |
Hkaraw,
nhkap, lungbyen, lungpa kata, Shutek, shukawng ni mung ngoi shaga; Putsit, Puhkram hkrawn, Shu kasha shanhte hkrau lahkawn; Wawt, Jigrawng, Jinghkam, Mayan she grau sawng; Machyi makaw, li, wawhpundaw, Mayu sumpi she kraw; Yisi yulang brep, Sin, Sinwawp she gaprep; Jamjau jamhkau, Mare ting mung jahkru gadau; Yinamta Nang hparai, Wunpawngsha ni hpe shatsai? Shingra duhkra, Shagawng bum a yinamta; Hkumpup hkumpa hte, Tam lu, tam sha ai lam ni hpe, Shingran hta she ---Tawn kauda saga I. |
||
|
Copy Rights © and All Reserved By Marit Seng Ja Pan
2002. No part of This Publication may be reproduced by any means without the prior permission from the Author. |
