Ngai galoi mung myit n pyaw ai lam langai mi nga ai. Ndai lam hpe ngai langai sha n lu hkam sha taw nga sai majaw, laika hti shawa ni hpang de tang madun, jahta dat nngai.

Aga...Nu...e.... She yu yu ga! Anhte a Wunpawng shayi ni mung grai zet lai mat sai. N-gun ma a lu she rai nga ma ai le. Nkau mi gaw, nau tsawm pyau nna Miss Universe pi 99 lang lu nga masai. Nkau num ni raijang gaw nau chye pyau nna Ginding Dinghta ntsa e pi n kam nga masai - htaw Ganghkau, Lamu hpatwat hkan she nga mat masai. Nkau mi mahtang bai raijang, hpa mung n chye, anyi angaw rai myutsaw myit, mung tsaw myit majing hte Mungdan gawgap, htunghking sharawt, Wunpawng Jinghpaw myit sharawt rai nga ma ai. Nkaumi bai raijang, tinang a hkumhkrang hta lu malu yawng hte chya galu la nna, maigan la ni hkwi hkawm ai ni mung nga ma ai - manu jaw ai ni hta nna pi naw grau mat masai.

Anhte Wunpawng shadang ni ra rawng ai mahtang ngu na kun (shnr.) anhte Wunpawng shadang ni a kammaka mahtang ngu ra na kun? - n chye dawdan mat sai Nu e....

Hkrak teng ai hku tsun ga nga yang chyawm gaw, Wunpawng shayi ni Wunpawng shadangsha ni hpe n krem dum, nyeng n nawn ai lai wa rai roi sha ai lam langai mung tai nga ai (shnr.) hpaji nau chye dinglai mat ai mahtang ngu na kun? (shnr.) anya ai mahtang ngu na kun? Wunpawng shayi ni gaw lani hte lani grai Manu hpa mat wa sai hpe mu lu nga ai. Manu hpa ai ngu ai hta, Aga.......maigan ga shaga yang she tsawra nna tsun ai shadu; maigan arawn alai lai, maigan ga shaga nna maigan la ni hte shalau sha hkawm dan jang she Madang grai tsaw ai shadu rai mat sai le Nu...e. Nkau Wunpawng shayi ni chye ai bai raijang gaw, asak pi garai n ram shi ai (14 - 16) ning daram kaw nna hkrup mara rai ganaw hkawm jan nna gaw, hpang jahtum manu grai hpa wa jang she, Wunapwng la ni kaw Mahkawn hkawn Tsin zawn zawn, grai myit-su, samnang maka kap ai shayi langai zawn zawn bai rai masu rai Wunpawng shadang ni hpe roi sha ai ni mung law law nga wa sai. She..e..Wunpawng shadang ni anya ai rai nga ai! Nkau mi mahtang bai raijang, tinang hpe dang sha, roi rip, n gawn n sawn di gatut ai Myen wa a ga, lai ni hpe chyu shaga, lang rai nna gaw dai ga hpe wa hpaji byeng nya kaba shadu; bumga hkan na Wunpawng shayi/shadang sha ni hte hkrum jang dai Maigan wa a man e jahpoi jahpyak, mani asawng re ai ni mung grai law wa sai.

Ndai zawn ngu yang, yawng gaw maigan la, maigan num n la ga ngu ai mung n re - daigaw myit gyip gyeng ai lam re. Lamana she nang maigan la/num la ai raiyang mung, dai nang la da ai maigan masha hpe mahtang Wunpawng shatai la lu yang gaw grai kaja na re. Raitim, n-gun n jaw mayu ai.

Anhte Wunpawng sha ni numwawn numla, mayu dama nga nga ai lam gaw grai htap htuk ai htunghking nan rai sai. Raitim, Gene gawn hpaji (Genetic science) hku nna tawt sawn htai lai yu ai shaloi, anhte Wunpawng amyu ni gaw anhte a kanu a kanau la kasha a shayi sha (first cousin) hpe prat ban law law la wa ai ni rai saga ai. Dai zawn re ai prat ban law law rai wa jang, mana shangai wa ai, kaji kadun re ai kashu kasha pru wa ai, bawnu n rawng ai, IQ (Intelligent Quotien) Madona a IQ gaw 140 rai nna Bill Gate a IQ gaw 160 rai nga malu ai. IQ 280 score lu ai shinggyim numsha langai nga yu sai.) n law wa ai hta sha n-ga ban 4 (shnr.) 16 (shnr.) ban 32 hta n law dik mana (idiot) langai lawm jalu sha re. Ngai hkrum yu ai Wunapwng shayi shandang sha ni kaw na IQ tsawdik ai gaw marai 2 sha naw hkrum yu ai - dai yan a IQ gaw 152 hte 159 rai nga malu ai. Dai majaw, ana ahkya, ga shadawn, AIDS, zawn re ai n kap nna bawnu sam, bawnu kaja ai kashu kasha ni hpe law law shaprat lu na matu gaw tsan ai ru sai gawn nna mayaw htinggaw de ra nga ga ai hpe anhte Nu num ni sha n rai wa la ni mung dum hprang ra sai re.

Wunpawng myit-su nkau mi tsun ai ga dum wa nngai: Nta kanu anum, awan kanu hpumjum nga ai. Dai hte maren, mungdan langai, myusha langai lawt, rawt galu kaba wa na lam hta gaw Nu Num ni grai ahkyak ai. Num hte la ngu ai gaw maren mara sha rai nga ai. Anhte Wunpawng Shayi ni gaw ndai ga hpe n chyena, hkam la shut nna n re ai hku n re ai de she yawng wa magang nga ai hpe dum hprang mai nga ai law.

..........Bai matut na..........

Na a Hpaji jaw ai lam gaw, manu dara n lu ai anhte a arawng rai nga ai.