Hpa Majaw
Rawt Malan a ta?
1. Myen mungdan hpe shanglawt lu hkra an hte Jinghpaw
Wunpawngsha ni gasat ya sai.
2. Myen mungdan shanglawt lu sai hte maren, Wunpawng
Gumrawng Gumtsa Mungdan gawgap na matu myit hkrum ta masat mahkret da sai.3.
Myen mungdan shanglawt lu ai hte kalangta, Myen wa amyu kaba lailen
hpe lang nna anhte Jinghpaw Wunpawng amyusha ni hpe dip sha hpang mat wa
sai.
4. U Nu Hkingmang Daju galaw nga ai aten Mung shawa Uphkang masa hpe
lang ai raitim, Myen mungdan hpe Sumla Naw mungdan shatai na polasi lang
wa sai hte maren, Jinghpaw Wunpawng Mungdan shara shagu hta e dai Sumla
Naw shara galaw hpang wa masai.
5. Dai aten hta, anhte Jinghpaw Wunpawng myusha ni hpe dip sha ai hta
sha n-ga, maru marang, n gawn n sawn, zingri zingrat, hkalem hkalau, roi
rip, sai chyup nga sai.
6. Anhte Jinghpaw Wunpawng sha ni, dai Myen wa a shingni, makam masham
e ga-up nhtawm, mungdan shamat, Wunapwng myusha mat wa na sha rai sai aten
1961 February praw 5 ya jahpawt Salang Zau Mai hte Zau Tu woi awn ai
myustaw shadang sha ni, lu ai laknak hpe hta hpai;
Hpyen wa a laknak, anhte a laknak;
Sinat pala langai, hpyen mang langai;
ngu ai ai myit jasat hte madin kumba waw nhtawm, hpyen maga (Hpyen
Madung, Kata Hpyen, Shingnan Hpyen, Jebat Hpyen, Tawtlai Hpyen) mahkra
hpe tinang a mungdan kata kaw nna gasat shamyit gawt malan kau na matu
Wunpawng Mungdan Shanglawt Hpung ngu ai hpe hpaw shabawm dat sai re.
Wunpawng Mungdan Shanglawt Hpung, Wunpawng Mungdan shanglawt Hpyendap a
majaw, daini Anhte Jinghpaw Wunapwngsha ni myu sai n shamat, Mungdan n
shamat ai lam rai sai.
Wunpawng Mungdan Shanglawt Hpyenla/Hpyennum ni a ntsa arawng la
ga
ai law.