Lawuna Ningmu hpe Jawm sawn nna Dinglik yu ga:-

Wunapwngsha ni a Kammaka hpe yu dat yang, N tsawm ai lam hpe law malawng mu lu nga ai. Ga shdawn (1976) hta Myen Mungdan hpe Anhte Wunpawng Mungdan Shanglawt Hpyendap woi awn ai hku nna Zing la na hku Dominican Republic Mungdan hte Ameriakan Gumhpraw Wan 30 hte sinak laknak, hpyen n-gun yawng garum na matu myithkrum ta masat mahkret da sai. Dai Mungdan kaw nna Hpyen sanghpaw ni pi rawt wa magang sai. Thai Mungdan e Hpyen masa shaw nga ai Ningbaw Kaba Zau Seng hte Zau Tu ni hpang Amerikan gumhpraw Wan 15 pi du nga sai ten, shanhte yawng hkrat sum mat sai.

Dai gade n na ai hpang jang, dai bungli ni hpe matut galaw mat wa na matu Salang n kau mi pru sa wa ai lam kaw Du Kaba Hpung Shwi, Du Kaba Hkun Shu hte Kaga hpaji chye ai Ningbaw ningla ni bai lam kaw hkrat sum mat wa sai.

Daihpang 1992 ning hta Du Kaba Mahtu a Hpyen dap yawng Wunapwng Mungdan shanglawt Hpyen dap kaw nna ga garan mat wa sai.

1992 Ning hta Maden Column ngu ai Shara Jat Zing majan kaba hpe dang da nna, Myen asuya hte Simsa lam hpaw dat ai hte rau ningmu n bung jang Shanglawt n dau la na hku Shiga shapoi arung arai ni yawng, shi sara ni yawng hkum taw nga sai, Myit hkrum ngut sai hte ta masat mahkyet na sha rai  sai ten, 1994 ning August shata praw 8 ya shani anhte hpe woi awn nga ai Ningbaw Kaba Brang Seng bai sum mat sai.

Ndai zawn re ai lam ni hpe sawn yu ai shaloi:-
1. Kaichyan hpaji (Intelligence) hta ra rawng ai.
2. Karai Kasang hpe Kamsham ai Lam hte tang n du ai.
3. Wunpawng Mungdan Dawng Hkawn a majaw.

Kaga dai zawn shabyin shangun chye ai lam ni gaw:-
1. Sut Masa.
2. Mung Masa.
3. Hpyen Masa.
4. Hpaji Masa zawn re ai ni nignra ai majaw mung rai sai.

Dawng Hkawn a majaw Ngu ai Hpe shawng Dinglik yu ga!!!

Anhte a Dawnghkawn a lachyum hpe yu dat yang:-

1. Hkyen ai nsam: share shakan,
2. Hpraw ai nsam: chyoipra sanseng lam,
3. Tsit ai nsam: tsit lali tsawm ai mungdan hte ngwipyaw simsa ai mungdan,
4. Ntu Lahkawng gaw Chyurum ai Wunpawng sha ni Ntu hte Hpyen gasat, yi hkyen sha ai masat dingsat rai nga ai.

Dai hta Nhtu lahkawng hpe "GINCHYAI" da ai hpe sung sung myit yu ga.

Dai Nhtu GINCHYAI da ai lam hpe:-

1. Sawnhpan Hpaji (Numerology)

2. Shagan Hpaji (Astrology)

3. Myit Masin Hpaji (Psychology) 

zawn re  ni hte sawn yu ai shaloi kammaka n tsawm na lam hpe madun taw nga ai. Hpa majaw i nga yang "X" ngu ai gaw Jinghpaw hku tsun ga nga yang "N" Inggalik hku tsun ga nga yang "Negative" lachyum pru ai. Dai hte kaga, sawnhpan Hpaji hte raijang "X" ngu ai gaw n chye ai, hpang ai n nga, ngut ai n nga re ai (n chye ai sawn hkum uknown number) hpe madun ai lachyum rai nga ai. Ndai "X" a lam gaw chyum laika hta mung Exodus (Pru mat wa ai Laika), Numbers hte revelation (Shingran Laika) ni hta mu lu nga ai. "X" langai a lachyum, "XX" a lachyum, "XXX"  a lachyum, "XXXX"  a lachyum zawn re ai ni hpe matut sawn la ga.

Shanglawt lu na Wunapwng Mungdan Dawnghkawn

          ..............................To be Continued............................

---

---