| |
SUMTSAN NA JINGHKAI WA
Marit Sumri Seng Ja Pan
Tsawra matsan dum chye ai Wa,
Ngai kasha a ntsa,
Shawnglam Wa Nang mu mada,
Arawng aya hpe tawnda,
Hpaji lam ni Wa Nang sharin ya,
Ngai tsawra dik ai Wa.
Jamjau jamhau lam kawna,
Wa Nang ngai hpe bau maka;
Ruyak jamjau Ngai n hkrum,
Wa a shingnip kata nga yang lum,
Mungsung Gasung Nang hkum;
Wa a matsun maroi,
Ngai'sha a hpaji sumdoi,
Manap Jan zawn htoi; |
|
|
|
 |
|
|
|
Hpaji lam ni hpe Ngai wundoi,
Maigan mungdan ni mung proi.
Wa hte tsan-gang nga ten,
Ngai'sha myitdun let garen;
Madu kaw myitdum kyuhpyi,
Manudan ai asi Ngai si;
Wa a majaw ngai,
Janmau lu ni ai.
Wa a Sali wunli gaw,
Daini Nye a Sumsaw;
Shinglet hte tsun n dang ai chyeju,
Gadai kawna mung Ngai n mai lu,
Tsawra Wa Ugut gu nga u ga… ngu,
Wa hpe myitdum let,
Kyuhpyi bunglet,
Chyeju Shamawn makyet
--- dat nngai Wa e.
|
|
|
|
